الثلاثاء ,19 مارس, 2024 م
الرئيسية أهم الأخبار كيف ردّ الأردنيون على الرزاز حول خفض المديونية ؟

كيف ردّ الأردنيون على الرزاز حول خفض المديونية ؟

935

البلقاء اليوم - البلقاء اليوم ---السلط
قال رئيس الوزراء الدكتور عمر الرزاز إن الحكومة نجحت نهاية العام الماضي، ولأوّل مرّة منذ عام 2008م، بتحويل اتجاه المديونيّة من الزيادة إلى الانخفاض.

وأوضح الرزاز في منشور عبر “التواصل الإجتماعي” الثلاثاء، أن المديونية انخفضت “كنسبة من الناتج المحلّي الإجمالي وبلغت نسبتها (94%)، بعد أن وصلت مع نهاية عام 2017م إلى (94.3%).”

ونوه رئيس الحكومة إلى أنّ عبء المديونيّة لا يقاس بالرقم المطلق كما يظنّ البعض، بل بنسبتها من الناتج المحلّي الإجمالي، مشيراً إلى أنّ حجم المديونيّة بالرقم المطلق لا ينخفض إلّا في حال أصبحت إيرادات الدّولة تغطّي نفقاتها”.

الأردنيون وفور نشر الخبر عبر المواقع الإخبارية ومواقع التواصل الاجتماعي ، علّقوا على تصريحات الرزاز بالاستهجان تارة وبالسخرية تارة أخرى ، بينما اعتبرها البعض محاولات للتخدير الحكومي للمواطنين ، خاصة أن معاناة الأردنيين من الغلاء وارتفاع الأسعار مستمرة ، مذكرين الرزاز في نفس الوقت بأكبر قرض للأردن من البنك الدولي والذي تم الاتفاق عليه قبل أيام .
وتاليا بعض التعليقات التي نشرها الأردنيون :

مبروك للشعب الاردني الرزاز: نجحنا في خفض المديونية لأول مرة من ٩٤،٣% الى ٩٤% طبعاً حضرته ما حسب المليار و300 مليون لأنه سدادهن على 35 سنه وبكون حضرته توكل.. الدول تخطط لمستقبلها لعشرات السنين وحضرته ما بحسب ابعد من أنفه…

الله يعطيك العافيه بس عندي سؤال طبع انا منذو 62 عام وانا ادرس ودرست اولادي الثمانيه ان من اسباب انهيار الدوله العثمانيه ذات التاريخ العظيم زيادت الضرائب و الظلم والاستبداد هل كان هاد التاريخ غلط..ليش عنا زيادة الضرائب حسنت وضع البلد الله يخليك صححنا التاريخ بلاش انظل اندرس الاولاد غلط

تداين من البنك المركزي ليدفع الدين للبنك المركزي فانخفض الدين السابق …
و الدين الجاي سيحمل السابق و الجديد و خازوق فائدة تراكمية على القديم و الجديد .
عنق زجاجة قال …
الزجاجة كلها مع الغطاية و طقم كسات كمان و الصينية و الطاولة و رجليها .

الديون كانت 40 مليار دولار .. الحكومه اقترضت مليار و 200 مليون وقروض اخرى بمئات الملايين .. هيك بتكون المديونيه انخفضت !!!؟؟؟
معقول كل دروس الحساب اللي درسناها بالمدرسه كانت غلط !!!؟؟

دولتك كيف خفضت المديونية وانتة قبل اسبوع ماخذين من صندوق النقد مليار وميتين مليون فهمناياها هاي للعلم. أنا دارس ثالث عدادي. بس مش قادر تدخل براسي

دولتك انت مقتنع انه البلد فيها ناس واعية وعندها تفكير عميق..ولا يكون امفكر انه كلنا جايين من وراء البقر ومو مستوعبين شي..يعني الحمدلله نزلت المديونية..والقرض اللي من اسبوع اكيد هاد قرض للترفية..

بتتهبلوا علينا؟
كيف بدكو تسدوها بعد ٣٥ عام ازا بالوقت الحالي كل سنة قاعدين بتدينوا مليار
من هون ل٣٥ سنة بتصير مديونيتنا ٥٠ ازا مش ٨٠ مليار

اهم من تخفيض نسبة الدين من الناتج الاجمالي المحلي اللي ما بتهم حدا، اعمل اشي خلي المواطن البسيط يحس بتوفير 10 ليرات بالشهر منشان يدعيلك



طبختونا كذب خففوا علينا
الأرقام بالنسبه للناتج المحلي أرقام لا تغني ولا تسمن من جوع
انا بهمني المس التحسن في حياتي اليوميه
واطمن على مستقبل أبنائي

ها ما فهمت. خفظت المديونيه شلون من أسبوع خلعتوا قرض بمليار وميتين مليون. فهمنا كيف هاي الرياضيات صارت كل ما أخذت ديون كل ما نقصة المديونيه. عليك الله هذا خبر طيزلي راسي. شلون وكيف ؟

المديونية….لن تسد طالما هناك قروض جديدة….وفوائد متراكمة….وقروض يجب ىسدادها….انها ارقام تزيد او تنقص…..واقتصاد متهالك….وانكماش
وتراجع اقتصادي….وضعف القوة الشرائية للناس…..كلام استعراضي
اعلامي



إدعاء الحكومة بانخفاض المديونية هو ادعاء كاذب وسخيف ، بل زادت بشكل مذهل!
نتمنى وقف الإستخفاف بعقول الناس!
أنت يا رزاز/كناكرية/معشر تتكلم عن لحظة من شهر تشرين الثاني ٢٠١٨ حيث كان الدين العام آنذاك ٢٨.٦ مليار دينار أو كما تدعي ٩٤.٦% من الناتج المحلي الإجمالي (أي أن هذا الوضع كان قبل القروض المهلكة التي حملتنا إياها من بعد تشرين الثاني ٢٠١٨ لغاية اليوم (٢٠١٩/١/٢٢) والتي استدنتها من اليابان (٣٠٠ مليون دولار في نهاية ٢٠١٨) والبنك الدولي (١.٢ مليار دولار قبل اسبوعين) أو ما قيمته ١.٠٦١ مليار دينار (مليار وواحد وستون مليون دينار).
وعليه ،”فقد ارتفع الدين العام اليوم الى ٢٩.٦٦١ مليار دينار (تسعة وعشرون مليار وستمائة وواحد وستون مليون دينار) أي ان نسبة الدين العام إلى الناتج المحلي الإجمالي زادت بشكل كبير جداً اليوم وهي ٩٨%!!! وليست ٩٤.٦%!!!
توضيح: (٢٩.٦٦١×٩٤.٦%)/٢٨.٦ = ٩٨%.
حمى الله الأردن…

شو بخصوص المليار وميتين مليون قرض حسن شكلهّ..؟ يا رجل أمس رحت تترجى بالبنك الدولي يوافقوا على القرض ورهنت اللي باقي من الأردن للسداد يكفي ضحك عالناس

اهبد كمان وكمان مهو احنا عايشين بمملكة الموز لسا القرض الجديد ما لحق يبرد حطيتو دين على دين كيف بسرعة البرق خفضت الدين يا ترى انتو شايفين كل الشعب هبيله ولا شو

خفض مديونية ال ٢٨ مليار من خلال اقتراض مليار و ٢٠٠ مليون
صحيح هيك اخذنا بالرياضيات
ناقص الناقص بصير موجب
اذا الحكومة ما بتعرف تحسب، بدنا نلوم اولاد المدارس؟؟؟؟

خلينا نشوف الايرادات السنه هاي بعد قرارات رفع الضرائب الجنونيه.. وانخفاض القوة الشرائيه
اخر السنه مش بعيد تا نعرف كيف المديونيه انخفضت

يعني بعد القرض الاخير مليار وربع بلشت تنزل المديونيه … ان شالله بالقرض الجاي بنصير دوله غنيه .. وبندين البنك.الدولي كمان

اه الحمد لله ونسبة انخفاض تستحق الإشادة وأيضا بالطريق لسد عجز الموازنة وإيجاد فرص عمل لجميع العاطلين عن العمل وزيادة رواتب الموظفين وتوقف اكل السحالي والافاعي لأنه الوضع الاقتصادي للمواطن الاردني تحسن. شكرا دولتك

معقول رئيس الوزراء بعتقد انه احنا عايشين بغابه و حكوله انه اكلاتنا المفضله السحالي و الثعابين عشان هيك بدلي بهيك تصريحات



دولتك خفضتها اسبوع ولا شهر استنا تا يطالبو بالفوائد اللي عالقرض الجديد وشوف النجاح ع اوصوله

يعني كيف انخفظت المديونيه وانت اقترضت مليار و200 مليون؟

مش مهم
المهم سعر السحالي نزل لاول مره بالتاريخ هيك نزله
هاظ الانجاز الصح

استهبال. المديونية بالرقم المطلق زادت.

معقول يارجل الدين العام مشمول بالعفو العام

وضِع شبابك يا بلدي ..
الي بلومك لانك ما بتحوش وراتبك 300/400 قله : لو بدي احوش نص راتبي سنه كامله راح يطلع 2000 تقريباً يعني ما بجيب طقم كنب محترم ، ولا بكفي يعمل سهرات شباب وغدا لعرس ؟ واذا حوشتهن 10 سنوات ما بشتروا شقه زباله ! ولا بعد 20 سنه !
لذلك ارحموا الشباب ، ولا تثقلوا عليهم ، اقسم بالله الشب بالاردن مطلوب منه، يشتغل، ويحوش ، ويحترم الكبير ، ويتزوج ، ويطاطي للدنيا ، ويكون ممسحة زفر ، وبعد كل هاظ بحكوله انت فاشل .. .. .. لو تندل علينا حقوق الانسان بعملوا علينا دراسات ، كيف تعيش براتب 300 ، وبنصير ماده اجباريه بكلية الاقتصاد بجامعة اكسفورد …
اتربينا على الجَلد ، والصبر ، وبنطول اللقمه من ثُّم الاسد ، وبنسامح ، وبندبك بالاعراس ، وبنفكر بأيجابية ، بس ارحمونا شوي ، زمنكم زمن الفرص ، احنا عشنا بزمن المسخ …
الله المستعان …و بالاخر بحكولك بدنا نفرح فيك اني فرحة بالزبط !!!
ارحموا شبابنا راح تفكير

احنا الشعب اللي بشتري الدخان بالفرط والبيض بالحبة , احنا الشعب اللي بنمشي ٢ كيلو مشان نوفر أجرة الباص واحنا الشعب اللي بننتظر الراتب حتى نشتري لحمة
احنا الشعب اللي بصف بطابور طووووووويل يوم الراتب لانه بتفرق معه اذا تأخر لبكرا…. واحنا الشعب اللي لما يكون معه نصف دينار بجيبته بعد للعشرة قبل ما يختار هل يشتري فيها ساندويشة بالشغل ولا يجيب فيها شيبس لابنه بس يروح ع البيت
نعم احنا الشعب اللي بس يزورنا ضيف بننكسر وبنتبهدل حتى نأمنه بغداء ولا عشاء وحتى الميرندا بنوخذها من الدكان ع الدفتر
احنا الشعب اللي صار لما يمر من جنب محل العاب يصير يحكي مع ابنه الصغير حتى ما ينتبه ويضل بنفسه لعبة معينة
احنا الشعب اللي بس نحس أنه معنا مصاري بنروح نبذر وتشتري شاورما واذا قبعت معنا ع الٱخر بنعطيها “مشاوي” وبهاليوم بنطير من الفرح
احنا الشعب اللي بس حد يقدمله حبة شوكولاته فاخرة بخبيها بجيبته لبنته الصغيرة … واحنا الشعب اللي بس يجي عيد ميلاد زوجته بفوت البيت بكل خجل لانه ماااااا معه يعبرلها عن مكانة هاليوم بهدية بسيطة
احنا الشعب اللي ياااما غاب عن عرس أو تخريج أو مناسبة لاغلى الأحباب لانه ما معه ينقط … واحنا الشعب اللي بنلبس بدلة وربطة لكن والله لو انمزعت ما معنا نخيطها . .. لهون منقول. ..
ومن هنا سأبدأ
احنا شعب مكسوره علينا فواتير كهرباء وماء
من وين نجيب احنا
احنا إذا بنمرض ما معنى أجره تكسي ندفعها
وبنضل قاعدين بدار نتالم
تعالو ادخلو بيوت الفقراء صدفه ممكن ما تلاقي
عندهم قهوه .. يسووها للضيف
حتى ثلاجاتهم غير المي ما فيها ويمكن حبه بندوره
مش مصدقين روحو على القرى وعلى المخيمات صدفه
لا تقلي المسؤولين ما بعرفو كلها بتعرف
ولكن السؤال ….
ما هي المشكله أن يأخذ المواطن أبسط حقوقه في وطنه …
أين أنتم عن محاسبه الفاسدين .. وأين مرابح جميع المؤسسات .. وأين وأين
سئمنا من الاقوااال
والقرارات
القاتله بحق المواطن أين أنتم عن هاذا
احنا شعب غير ألله ما النا
حسبي آلله ونعم الوكيل
اتقو ألله يا مسؤولين ألله ما بنساكم
أنا أردني سارفع رأسي إلى رب السماء



هما بس قاعدين يستنو المحروقات ترتفع وتزيد نسبة الضريبة لاعلى سعر وبعدين بثبتوها وتصير قيمة ثابتة

دولتك ما ظل بنود ومسميات عشان تفرضوا ضرائب اكثر
يعني ظل عندك تحط ضريبة ع الهواء بس انا اقول لا تحتكر كل شي خليها لرئيس الوزراء الذي يليك
بلاش يجي واحد ويقال استلم الاردن رئيس وزراء لم يفرض ضريبه

دولة الرئيس جهودكم مشكورة لكن لو نزلت الى الاسواق والمحلات التجارية ستجد ان جميع التجار مهددون بالافلاس واغلاق منشأتهم قريبا بسبب تسلط وجبروت بعض دوائركم الحكومية وموظفيكم الغير مؤهلين ولا يمتكلون ابسط قواعد شرف المهنة وضوابطها

يعطيك العافيه دولتك تعبت بتكرمك بتخفيض الضرائب عن السلاحف. اليوم اولادي بصحه تامه من اكل. السلاحف وثعابين.
انا يكون مبسوط واولادي ماسك حنيش بيدو بياكل فيه

الحمد لله
ما ظل اشي كلها ٥٠ سنة لنسدد الفوايد. و٥٠ سنة بنسد ها الدينات

و اكبر قرض من البنك الدولي للأردن هاد شو اسمو ؟ زكاة مال

التعليقات حالياً متوقفة من الموقع

البلقاء اليوم بالارقام

اسرار المدينة

شخصيات المحافظة

مقالات

هموم وقضايا