البلقاء اليوم - البلقاء اليوم -----السلط
أثارت فتاة أردنية تدعى ريناد حسان، إعجابا واسعا، لما فعلته مع عريسها بشأن تكاليف الزواج.
وفي منشور لها عبر فيسبوك، قالت الفتاة، "لما قررت أتزوج، الوقت الي احتجته كان أقل من شهر، تحديدًا ٢١ يوم بين قرار الزواج وتمامه، والسرعة هاي ببساطة لأننا قفزنا عن تفاصيل انا بشوفها مقيتة، قفزت عن العرس والذهب والمهر وكل وجع الراس هاد ما دخلنا فيه من أساسه، طبعًا أبسط كلمة سمعتها حتى من أقرب الناس الي "ليش مرخصة حالك هيك! لا والي بدها تكون لطيفة معي بتحكيلي ما ألطفك، تنازلتي عن البدلة البيضا والعرس لاجل الحب" مع العلم انا ما تزوجت عن قصة حب عظيمة".
وأضافت، "بس بكل أمانة ما كنت شايفة الي عملته تنازل، كان مجرد فعل منطقي، مهو وين المنطق إنه في بلد زي الأردن متوسط الدخل لا يتجاوز ٧٠٠ دينار (في أحسن الأحوال) بيجي العريس بلاقي مطلوب منه ١٠ أضعاف دخله مهر، وأربع أضعافه ذهب وخمس أضعاف دخله مصاريف العرس وعفش وبيت وسيارة ودوامة بيدخلها المسكين بلاقي حاله لبس في حيطة، ومجبور يتداين عشان يلاقي "بنت الحلال" الي تونسه وتعاشره بالحلال، عشان بعد أقل من سنة يضيق الحال فيهم ولأنها "أصيلة" بتعطيه الدهبات يبيعهم بمخسر وبتعيش معه عالكفاف لحد ما الله يفرجها! طب ليش من الأول".
واختتمت منشورها بالقول، "الخلاصة عزيزتي، كان مهرك ألف أو عشرة بالحالتين هذا تسليع، لا تحطوا حالكم تحت ضغط عشان تكملوا صورة وهمية ترضوا فيها الناس والمجتمع لأنه رضاهم غاية لا يدركها إلا منافق، استثمروا هاد الوقت والجهد والتركيز في حياتكم ما بعد الزواج مش قبلها".
-
"مقلوبة النصر" .. عبير الصغير تكشف وعدها الأخير لصالح الجعفراوي قبل وفاته
كشفت الشيف اللبنانية عبير الصغير تفاصيل مؤثرة... -
الأميرة رجوة تطلع على أعمال فنية بمستشفى جامعة "سبرينغ فيلد" للصحة النفسية في لندن
زارت سمو الأميرة رجوة الحسين، يوم أمس الاثنين،... -
-
جلالة الملكة رانيا العبدالله اليوم بالثوب الهرمزي المعاني من امام كوخ الهريسة المعانية من مدينة معان .
جلالة الملكة رانيا العبدالله اليوم بالثوب... -
شاب أردني يفقد 1300 دينار بعد تحويل خطأ عبر تطبيق "كليك" ومازل ينتظر استعادة المبلغ
روى شاب أردني قصته المؤلمة بعد أن فقد مبلغ... -
-
-
الاردن| خبيرة تكشف 3 أسباب رئيسية لـ "تأجيل" زواج الشباب للأربعينات .. الفتيات مكتفيات ذاتيًا والشباب يواجهون ضغوطًا اقتصادية
#الاردن| خبيرة تكشف 3 أسباب رئيسية لـ تأجيل... -
التعليقات حالياً متوقفة من الموقع
إقرأ ايضاً
إرادة ملكية بتعيين الدكتوره ريم أبو دلبوح .. عضوا في مجلس الاعيان
صدرت الإرادة الملكية السامية بتعيين سعادة...