غلطة حصلت من الطاقم الطبي تركته يعيش 68 سنة على كرسي متحرك

البلقاء اليوم -
ودّعت الفنانة اللبنانية فيروز ابنها الثالث "هلي الرحباني" اليوم بعد 7 أشهر من فقدان نجلها زياد الرحباني، وقبلهما بسنوات ابنتها ليال الرحباني

غلطة حصلت من الطاقم الطبي خلته يعيش 68 سنة على كرسي متحرك مبيقفش على رجله وخسر نصه التحتاني للأبد
قصة تعب #هلي_الرحباني الابن التاني اللي فقدته السيدة العظيمة #فيروز أو #جارة_القمر من ساعات بعد رحيل ابنها الموسيقار الكبير زياد الرحباني بحوالي 6 شهور
التعب اللي اتسبب في إعاقة هلي الرحباني طول عمره وكانت قوته في النص اللي فوق وبقى عنده الإدراك بالتكرار وفضلت فيروز تراعيه طول عمره وكانت ليه الأم والأخت والصديقة لحد ما رحل
هلي زيه زي أي مولود جاتله الصفرا وهو صغير ودي طبعا بتيجي عشان في مادة البيليروبين لما بتتراكم بتحتاج الكبد يمتصها وعشان مبيكونش لسه مكتمل بيحصل فشل وتيجي الصفرا
هلي وهو في الحضّانة دخل مستشفى على طريق الشام بس الطاقم الطبي منتبهش ووقع هلي الرحباني على راسه وقتها حصله حاجة اسمها طبياً minnjy ودي اتسببت في إعاقة ذهنية دماغية
وكمان حصله كسر في الحوض وكبر بالوضع ده واللي حصله من
الوقعة مع الصفرا خلت رجله فيها قوة لكن مبيشتعلوش بينقلهم بس ميقدرش يمشي
حسب كلام الراحل #زياد_الرحباني في مقابلة ليه قال إن ربنا حط كل قوته في النص اللي فوق مش اللي تحت وبقت إيديه واكتافه قوية ويقدر يشد باب العربية بقوة بس عاوز حد يساعده يقعد وأوقات بيشيل نفسه
ومن ناحية الإدراك زياد الرحباني قال إن هلي عنده الإدراك بالتكرار يعني لازم يتقاله الحاجة مرة واتنين عشان يتفهمها لأنه بعقل طفل
ولما يكون في شخصين بيتكلموا وبيضحكوا في حاجة بيتابع ويبص وبيفتكروا إنه متابع لكنه مش مدرك
فيروز ربنا اداها العمر الطويل والصحة والعافية عشان تراعي ابنها هلي الرحباني لحد من حياته انتهت
فيروز قصة لوحدها مش هتنتهي قصة الأم الصابرة الراضية بقضاء الله وقدره في فقدان 3 من أبنائها على حياة عينيها.. ابتلاء يتبعه صبر ربنا يزيدك صبر على صبرك وقوة على قوتك وناخد منك المثل والعبرة في الرضا بقضاء ربنا
اللهم ارحم ليال وارحم زياد وارحم هلي أبناء فيروز وبارك في المخرجة شقيقتهم ريما الرحباني والعظيمة فيروز وتعازينا للأسرة والعائلة الكريمة