لماذا يوجد عنب في شمال سوريا اسمه عنب "السلط" ؟ رسالة جميلة من الأخ "رافي ماتوسيان" من كسب في سوريا.

البلقاء اليوم -
لماذا يوجد عنب في شمال سوريا اسمه #عنب " #السلط " ؟ رسالة جميلة وصلتني على بريد الصفحة من الأخ "رافي ماتوسيان" من #كسب في #سوريا
السلام عليكم سيد عمر.
أنا من متابعي صفحتك عالـفيسبوك، وبتشكرك على الصور والبوستات إللي بتنزلن.
الأردن بشكل عام وخاصة شمال الأردن، إربد و #السلط وعمان، له قصص حلوة في ذاكرتنا كعائلة وكأرمن كسب في سورية.
عند التهجير والمجازر سنة 1915 وصلت بقايا القوافل المهجرة من كسب إلى الأردن، بعد ما سلكو (مشي طبعاً) طريق كسب - جسر الشغور - حماه-حمص-النبك-دير عطيك-دمشق-إربد - السلط .
وبقيو فترة فيها (يمكن حوالي السنتين). ولاقو معاملة كتير جيدة من شعب الأردن المضياف.
وبعد فترة بلشو برحلة العودة لكسب حتى وصلو بال 1919 تقريباً.
ومن الأردن عنا ذكرى كتير حلوة جابوه معن، وإنتشر بكل كسب، وهو عنب السلط.
ولهلأ في منو كتير بكسب، وما زال إسمها عنب السلط.(بعتلك بعض الصور كمان وبعض عرائش العنب هنن عنب سلط).
تحية إلك ولشعب الأردن. وبتمنالكن كل خير.
مع فائق الاحترام
#رافي #ماتوسيان
ومن الأردن كل المحبة والتقدير والاحترام لك أخي رافي وللشعب السوري وللشعب الأرمني ولا طريق للشعوب سوا طريق السلام والمحبّة.

---