قائمة انتخابية .... بقلم المهندس اسعد البعيجات البلقاء اليوم -السلط تمتاز تجارة المطاعم في الدول الغربية خصوصاً اذا كان المالك اجنبي بالتخصص في طعام معين وثبات الخدمة في كل الفروع. يعني بتلاقي المطعم متخصص في لحم الستيك فتجده بعمل ستيك فاخر تجد نفس الطعم ونفس الخدمة في كل فروعه مع العلم احيانا كل فرع في بلد ... مطعم أخر يعمل السمك ... فقط متخصص بالسمك .... كذلك مطاعم الساندويشات السريعة حتى محلات القهوة تجدها نفس المذاق ونفس الخدمة في كل الفروع ... العربي دائما عنده النظرة مختلفة جداً عن العالم تجده فاتح مطعم يطبخ كل إشي بطبخ منسف ولازانيا مقلوبة وسبغتي تجده ايضا حاط بكسه عنب عند الكاشير وحاط سيديات أغاني وأناشيد على الرف معسل ودخان تحت الطاولة وبطبشها بطواقي ومسابح وعبي وسراويل وبراويز ... بتاع كله تدخل المحل لا تعرف هو مطعم والا سوبرماركت والا نوفوتيه بدك خبراء ناسا يحددوا ترخيص المحل . الجو الانتخابي أو كما يسموه عرس انتخابي ( مش عارف مين العريس ومين العروس ومين بوخذ النقوط من الحاضرين ) ما علينا .... قراءه الكتل المُشكلة حديثاً وخصوصا في محافظة محافظة البلقاء ... الوضع مشابه تماما لمحل العربي في امريكا ما بتعرف شو لم الشامي على المغربي شو لمّ الي بكتب على الي ما بكتب كُتل مثل طبيخ ومطبخ العزابية في الغربه كل معلقة شكل إبريق الشاي بدون غطاء الصحون كل صحن لون الكاسات كل كاسة حجم الشعيرية بقطرميز النسكافية خلط بلط .... اذا هيك الُكتل وهيك تشكيلها كيف بده يكون المجلس.....
