البلقاء اليوم - البلقاء اليوم -السلط نشر الباشا حسين هزاع المجالي على صفحته على الفيس بوك بوست بعنوان حدا يحكي للسلطيه والكركية !! وذلك بعد الاحداث المؤسفة التي شهدتها الجامعة الاردنية اليوم جاء فيه انه مرة المرحوم وصفي التل اجى شخص عليه بقوله : إبني انحبس عشان سب عليك . و اعطاه الورقة الأمنية الي بتثبت ذلك اجى وصفي مسكها و كتب على ظهرها "يلعن ابو وصفي الي بتسجنوا الناس عشانه" و راح سلمها للمغفر و طلع الولد من السجن ، أي وصفي أنت ، أي جندي انت، ما زلت تعلمنا للآن
حدا يحكي للجنوب الي بصرخوا بإسم هزاع !! إنه هزاع المجالي كان يسمع مظالم الشعب و ما يروحهم الا لما يحل مشاكلهم كلهم و كان يوم الإثنين مخصص فقط للمظلوم و إغتيل يوم الإثنين حدا يحكيلهم انه اسمه مكتوب بكتاب الملك بصفحة عنوانها النخوة. وصفي و هزاع ماتوا من زمان ماتوا و متأكدين ان زندنا مشدود البدوي و الفلاحي و الكركي و السلطي الربداوي و المعاني صبة القهوة ما رح تتغير و الشرف ما رح يتغير و الأخلاق ما تغيرت ، ماتوا بطمأنينة. ما عرفوا إنه صرنا نسكر ابوابنا باليلل و "والله لاذبحك" " إطعنه" "عيب على شاربي اذا ما قتلتك" ما عرفوا انها بطلت الاردن اولا صارت جنوب العز ، سلطية العز ما عرفوا انه بعد وفاتهم بسنين رجعنا عقود. نعتذر لأننا لم نكن الأحفاد الشامخين النشامى السند النخوة الذين اردتمونا أن نكون. #منقول
